ទស្សនៈលោក ខឹម វាសនា | Khem Veasna Quotes

លក្ខណៈចលនាស្នូលដែលអាចនាំចលនាមួយទៅដល់គោលដៅបានៈ

1-ពិត (ពិតថាមានមានចិត្តស្មោះត្រង់នឹងជាតិ)
2-ប្រាកដប្រជា(ប្រាកដថាបញ្ហាហ្នឹងគឺត្រូវតែដោះស្រាយបែបហ្នឹងមែន មិនដែលផ្លាស់ប្តូរញឹកញាប់រកសំគាល់មិនបានថាទស្សនៈរបស់ចលនាហ្នឹងក្នុងការដោះស្រាយបញ្ហាគឹយ៉ាងម៉េចអោយប្រាកដប្រជា។ អត់ប្រាកដគឺអត់ទស្សនៈ)។
3-ភាពប្រាកដប្រជា ត្រូវតែមានមូលដ្ឋានសច្ចៈធម៌ច្បាស់លាស់( មិនមែនប្រាកដប្រជា រឹងមាំមិនងាករេរ តែភាពរឹងមាំនោះមិនមានការវិភាគត្រឹមត្រូវតាមសច្ចៈរបស់ធម្មជាតិនោះទេ។)

“បងប្អូនគិតពិចារណាអញ្ចេះតិច គេថាមនុស្សអាក្រក់ តែធ្វើអាក្រក់ធ្លាក់នរកហើយ ហើយធ្លាក់ម្តងៗ
និយាយពីយូរ.... គេថា យូរអ្ហ៎ាស បើមនុស្សអាក្រក់ឲ្យតែធ្វើអាក្រក់ធ្លាក់នរក ហើយធ្លាក់យូៗយ៉ាងហ្នឹង បែប នៅលើផែនដីហ្នឹងសុទ្ធតែមនុស្សល្អអស់ហើយបងប្អូន បើវាធ្លាក់យូៗយ៉ាងហ្នឹងអ្ហ៎ស រួចចុះហេតុអីបាននៅលើផែនដីហ្នឹងមនុស្ស អាក្រក់ច្រើនមែស អ្ហ៎ាស់? ហេតុអីបានមនុស្សអាក្រក់ច្រើនមែស ពីព្រោះក្នុងច្បាប់ធម្មជាតិអត់ចឹងទេ បងប្អូន ច្បាប់ធម្មជាតិ”

មនុស្សខ្លះនិយាយថាកុំរៀបការជាមួយមនុស្សដែលយើងស្រលាញ់គេតែគេមិនស្រលាញ់យើង ចូររៀបការជាមួយមនុស្សដែល ទោះយើងមិនស្រលាញ់គេក៏ដោយអោយតែគេស្រលាញ់យើង។ ការពិតមួយណាក៏ជាទណ្ឌកម្មទាំងអស់គ្រាន់តែអារម្មណ៍ឈឺចាប់នោះវាផ្សេងគ្នាតែប៉ណ្ណោះ។

...........................
ក្នុងការអានក៏ដូចជាការស្តាប់អ្នកណាមួយនិយាយ ការអានឬការស្តាប់នោះយកជាប្រយោជន៍បានលុះត្រាតែ ក្រោយពីអានឬស្តាប់រួចហើយ ការយល់របស់អ្នកស្ថិតនៅក្នុងលក្ខណៈណាមួយក្នុងចំណោមលក្ខណៈបីយ៉ាងខាងក្រោមៈ
- ឬមួយអ្នកយល់ថាត្រូវ ហើយអ្នកមានហេតុផលដើម្បីគាំទ្រការវិនិច្ឆ័យថាត្រូវរបស់អ្នក
-ឬមួយអ្នកយល់ថាខុស ហើយអ្នកមានហេតុផលដើម្បីគាំទ្រការវិនិច្ឆ័យថាខុសរបស់អ្នក
-ឬមួយអ្នកបានដឹងខ្លួនថា អ្នកមិនទាន់អាចសន្និដ្ឋានបានថាខុសឬត្រូវទេ ចាំគិតឬចាំរកអ្នកជួយវិភាគលើចំនុចនោះសិន។

មនុស្សខ្លះនិយាយថាកុំរៀបការជាមួយមនុស្សដែលយើងស្រលាញ់គេ តែគេមិនស្រលាញ់យើង ចូររៀបការជាមួយមនុស្សដែល ទោះយើងមិនស្រលាញ់គេក៏ដោយអោយតែគេស្រលាញ់យើង។ ការពិតមួយណាក៏ជាទណ្ឌកម្មទាំងអស់គ្រាន់តែអារម្មណ៍ឈឺចាប់នោះវាផ្សេងគ្នាតែប៉ុណ្ណោះ។

"វាជាការឈឺចាប់ខ្លាំងណាស់ ដែលយើងកំពុងទាមទាររកយុត្តិធម៌ ឲ្យមនុស្សដែលកំពុងរងអំពើអយុត្តិធម៌ ប៉ុន្តែពួកគេមិនមែនជាមនុស្សដែលស្អប់អំពើអយុត្តិធម៌"~ខឹម វាសនា

ជីវិត ការព្រាត់ប្រាស ការរំលោភបំពាន ការបោកប្រាស ការច្រណែនឈ្នានីស ភាពមិនស្មោះត្រង់ ជំនឿ មិនបានគិតដល់ហេតុផល........ បាននាំទុក្ខសោក ការឈឺចាប់ ភាពក្រៀមក្រំ ការខកចិត្ត... អោយសត្វលោករាប់មិនអស់ទេ។ នៅហើយជាជីវិតដែលមិនយល់សច្ចៈធម៌៕

អតីតកាលបន្សល់ទុកត្រឹមការចងចាំ៕

“មនុស្សដែលពូកែបង្កើតរបស់ថ្មីបានគឺជាមនុស្សដែលពូកែយល់សប្តិនៅពេលអត់ដេក”

ឆ្ងល់ធ្វើអោយចិត្តមានសភាពបើកចំហ ជាផ្លូវចូលចំនេះដឹង៕

មនុស្សដែលគ្មានការឈឺចាប់ ជាមនុស្សដែលខ្វះកំលាំងជំរុញអោយមានការតស៊ូ ឯមនុស្សខ្វះសេចក្តីខ្មាស់អៀន ជាមនុស្សប្រព្រឹត្តអំពើថោកទាបបានយ៉ាងងាយ៕