ទស្សនៈលោក ខឹម វាសនា | Khem Veasna Quotes

“ បើអ្នករកបានតែអ្នកដឹកនាំដែលអរគុណខ្លួន ហើយមិនអាចរកបានអ្នកដឹកនាំដែលរួបខ្លួនអរគុណទេ កុំសង្ឃឹមថា ជាតិរបស់អ្នកនឹងមានភាពរីកចម្រើនពិតប្រាកដនោះ “ _ខឹម វាសនា

“វាគឺជាសោកនាកម្មមួយចំពោះជនជាតិនោះយ៉ាងពិតប្រាកដ ដែលមានមនុស្សបីក្រុមគឺ អ្នកនយោបាយ អ្នកសាសនា និងអ្នកធ្វើការក្នុងអង្គការសង្គមនានា ក្នុងប្រទេសនោះជាមនុស្សដែលសម្តែងខ្លួនធ្វើជា ជនសប្បុរស / It’s a real tragedy for nation when these three groups of its people namely politicians, religionists and civil society workers, just pretend to be generous.” _ខឹម វាសនា

“ ប្រជាធិបតេយ្យ មានន័យថា សិទ្ធិអំណាច ក្នុងការចាត់ចែងកិច្ចការប្រទេសជាតិស្ថិតនៅក្នុងកណ្តាប់ដៃរបស់ពលរដ្ឋម្ចាស់ប្រទេស ជាអចិន្ត្រៃយ៍ ”_ខឹម វាសនា

“ អ្នកអាចនឹងមិនស្រឡាញ់រូបខ្ញុំ ប៉ុន្តែអ្នកឯងគ្មានសិទ្ធិហាមខ្ញុំ មិនអោយខ្ញុំស្រឡាញ់អ្នកឯងទេ ពីព្រោះវាគឺជាសេចក្តីស្រឡាញ់ ដែលបង្កើតឡើងដោយរូបខ្ញុំផ្ទាល់ ”_ខឹម វាសនា

“ អ្នកអាចនឹងមិនគិតដល់រឿងនយោបាយ តែនយោបាយតែងតែគិតអ្នក   You may not think about politics , but politics always think about you. /នយោបាយមិនជាប់ទាក់ទងនឹងរឿងថាចូលចិត្ត​​ ឬមិនចូលចិត្តនោះទេ ប៉ុន្តែតែពលរដ្ឋគ្រប់រូបតែចូលរួមធ្វើ គិតគូរ​តាមដាននយោបាយ  Politics is not an issue whether or not you like it, but every citizen must involve. នយោបាយ មិនមែនជាការរកខុសត្រូវទេ តែជាការដោះស្រាយបញ្ហា Politics is not about justice , but about solutions. ”_ខឹម វាសនា

“ រឿធំអោយទៅជា រឿងតូច រឿងតូចសូមអោយបាត់ទៅ បេះដូងដែលអនុគ្រោះជា សម្រស់ពិតរបស់មនុស្ស ”_ខឹម វាសនា

“ ការបើកចិត្តអោយទូលំទូលាយ ដើម្បីស្តាប់ ហើយគិត និងធ្វើការត្រិះរិះពិចារណា គឺជាការផ្តល់ឪកាសអោយខ្លួនឯង ដើម្បីឆ្ពោះជំហានឈានទៅការពិត ”_ខឹម វាសនា

“ អោយតែខួរក្បាលរបស់អ្នកវាអន់ខ្សោយហើយ នោះកាយរបស់អ្នកមុខជា លំបាកវេទនាហើយ ”_ខឹម វាសនា

“ខ្លឹមដ៍ពិតប្រាកដដែលជាសមទ្ធិផលរបស់សង្គមពីមួយជំនាន់ទៅមួយជំនាន់នោះ គឺសមទ្ធិផលដែលដិតជាប់នៅក្នុងដួងចិត្តនៅក្នុងខូរក្បាលដែលជាសន្តោនរបស់មនុស្សដែលសង្គមនោះគ្រប់គ្រង ”_ខឹម វាសនា

“ចំនេះដឹងដែលយើងបានរៀននៅតាមសាកលវិទ្យាល័យ វាគ្រាន់តែជាចំនេះដឹងផ្នែកបច្ចេកទេសនៃជំនាញរបស់​​យើងតែប៉ុណ្ណោះប៉ុន្តែនៅមានចំនេះដឹងផ្នែកទស្សនវិជ្ជាខាងមេរៀនជីរិតជាច្រើនស្អេកស្អះទៀតដែលយើងនៅមិនទាន់បានដឹង ”_ខឹម វាសនា

“  នៅលើភពផែនដីយើងនេះ ជីវិតរបស់មនុស្សកើតស្លាប់ៗរាប់រយលានតំណមកហើយ។ មនុស្សជំនាន់មុនបានបន្សល់ទុកនូវស្នាដៃនិងទស្សនជាច្រើនទុកអោយកូនមនុស្សជំនាន់ក្រោយ ជាតួយ៉ាងបុព្វបុរសខ្មែរយើងលោកក៍បានបន្សល់ទុកប្រាសាទអង្គរវត្តអោយកូនចៅជំនាន់ក្រោយដែរ។ ដូច្នោះឥលូវនេះគឺជាយុគសម័យរបស់យើងដែលមានឪកាសកើតនៅលើលោកសន្និវាសយើងនេះ តើអ្នកអាចចូលរួមគិត រួមធ្វើ និងរួមទទូលខុសត្រូវបានដែរឬទេដើម្បីជាប្រយោជន៍រួមសម្រាប់យើងទាំងអស់គ្នា?”_ខឹម វាសនា

“មនុស្សយើងទាំងអស់គ្នា រួមទាំងកូនង៉ាដែលទើបនឹងកើតមកនៅថ្ងៃនេះនិងចាស់ៗដែលមានអាយុ៩៩ដែលកំពុង​​​តែរស់រានមានជីរិតនៅលើពិភពលោកយើងនេះ១០០ឆ្នាំទៅមុខទៀត ជីរិតទាំងនោះនឹងលាចាកពីលោកសន្និវាសនេះសាបសូន្យឈឹង ហើយជីរិតថ្មីនៃកូនមនុស្សជំនាន់ក្រោយនឹងកើតឡើងមកជំនួសវិញជាបន្តបន្ទាប់នេះជាច្បាប់ធម្មជាតិដែលមិនអាចកែប្រែបានឡើយ  ”_ខឹម វាសនា

“ ចូរអ្នកសម្លឹងមើលដំណើរនៃជីរិតរបស់សត្វលោកទាំងអស់ដែលកំពុងតែវារគគើមនៅលើផែនដីយើងនេះគ្មានអ្វីក្រៅពីហូបជុះដេកដើររួមភេទមានកូនមានចៅ ទីបំផុតជីរិតទាំងអស់នោះនឹងចោលឆ្អឹងសាច់សរសៃក្រាលលើព្រះធរណី។ បើសត្វមួយចំនួនពេលវាងាប់ទៅសាច់របស់វាត្រូវបានមនុស្សលោកបរិភោគជាអាហារ ចំណែកឯមនុស្សយើងវិញនៅពេលស្លាប់ទៅសាច់គេមិនបានហូបហើយថែមទាំងគេខ្លាចទៅទៀតហើយបើយកទៅកប់ឬដុតចោលលើដីកន្លែងណាវាចង្រៃកន្លែងនោះ។​ ដូច្នោះហើយតើអ្នកគួរប្រីជីរិតរបស់អ្នកយ៉ាងណាដើម្បីអោយជីរិតមានគុណតម្លៃពោលគឺផ្តល់ជាប្រយោជន៍សម្រាប់យើងទាំងអស់មុននិងអ្នកលាចាកលោកនេះទៅ? ”_ខឹម វាសនា

“គ្មានសង្គមណាមួយរីកចំរើនបានឡើយ បើប្រជាពលរដ្ធដែលជាម្ចាស់ប្រទេសមិនព្រមគិតគូរសង្គមរបស់ពួកគេនោះ ”_ខឹម វាសនា

“នៅក្នុងសង្គមដែលសម្បូរដោយមនុស្សមានសីលធម៏ចេះជួយគ្នានិងជាមនុស្សដែលចេះចែករំលែកសេចក្តីសុខទុក្ខអោយគ្នាទៅវិញទៅមកក៍ដោយសារសង្គមនោះមានអ្នកប្រាជ្ញអ្នកទស្សនវិជ្ជាដែលផ្តល់ទស្សនល្អៗដល់ជនរួមជាតិរបស់គេអោយបានអានបានស្តាប់បានយល់ដឹងបានត្រិះរិះពិចារណា។គំនិតនិងទស្សនទាំងល្អទាំងអាក្រក់ដែលដូនតាមានពីអតីតកាល វាអាចនឹងជះឥទ្ធិពលដល់កូនមនុស្សជំនាន់ក្រោយតៗគ្នា ”_ខឹម វាសនា

“ រាល់ពិធីទាំងឡាយក្នុងទំនៀមទម្លាប់ប្រពៃណីនៃជាតិសាសន៍ណាមួយ មិនប្រាកដថាសុទ្ធសឹងតែត្រឹមត្រូវសមហេតុផលនោះទេ ពីព្រោះទំនៀមទម្លាប់ប្រពៃណីទាំងនោះកើតចេញពីមនុស្សបង្កើតឡើងនោះទេ​ ដូច្នោះមុននិងយើងព្រមទទួលយកអ្វីមួយយើងត្រូវប្រើធម្មសញ្ញគឺប្រើខួរក្បាលដើម្បីត្រិះរិះពិចារណារកហេតុរកផលថាវាត្រឹមត្រូវឬទេ? ”_ខឹម វាសនា

“ទស្សនៈមួយដែលពូកយើងយល់ថាជាទស្សនដែលបំផ្លាញការគិតនិងជះឥទ្ធិពលអាក្រក់ដល់កូនខ្មែរជំនាន់ក្រោយមានដូចជា  ក្បាលអាណាសក់អាហ្នឹង ដាំដើមគទៅកូនកុំមាត់ចេះច្រើនគេខឹងដឹងច្រើនគេស្អប់ ចាញ់បានជាព្រះឈ្នះបានជាមារ។ វាជាទស្សនៈដែលធ្វើអោយកូនខ្មែរជំនាន់ក្រោយមានភាពអសកម្មនិងមិនហ៊ានចូលរួមគិតគូរនិងធ្វើអំពើល្អ គឺនឹងធ្វើអោយមនុស្សនៅសំងំស្ងៀមមិនហ៊ានកម្រើក ”_ខឹម វាសនា

“ពាក្យថាក្បាលអាណាសក់អាហ្នឹង មានន័យថាគិតតែឆ្នាំងបាយរបស់យើងទៅអាអ្ហើយ កុំទៅខ្វល់អាណាម៉េចម៉េចទៅអោយតែយើងបានសុខ។ វាជាទស្សនៈដែលធ្វើអោយកូនខ្មែរជំនាន់ក្រោយមានភាពអសកម្ម ភាពអាត្មានិយម គិតតែប្រយោជន៍ផ្ទាល់ខ្លួន និងមិនហ៊ានចូលរួមគិតគូរនិងធ្វើអំពើល្អគឺនឹងធ្វើអោយមនុស្សនៅសំងំស្ងៀមមិនហ៊ានកម្រើក-អ្នកត្រូវដឹងថា សេចក្តីសុខទុក្ខឬសសេចក្តីវិនាសវានឹងកើតឡើងដោយជៀសមិនផុតនោះទេ ជូនគេជូនយើង ”_ខឹម វាសនា

“ដើម្បីអោយទស្សនៈល្អៗបានជ្រាបទៅដល់មនុស្សក្នុងសង្គម គឺត្រូវផ្តើមចេញពីខ្លួនយើងយល់ជាមុខសិន ”_ខឹម វាសនា

“ បើជនជាតិសាសន៍នៃប្រទេសណាមួយ ដែលមិនសូវខ្វាយខ្វល់គិតគូររឿងនយោបាយ មិនសូវចូលចិត្តស្តាប់ មិនសូវចូលចិត្តអាន មិនសូវចូលចិត្តសង្តេត មិនសូវចូលចិត្តតាមដាន មិនសូវចូលចិត្តចូលរួមគិតគូរនិងធ្វើអំពើល្អ ហើយគិតតែពីជឿ​ គិតតែផលប្រយោជន៍ផ្ទាល់ខ្លួន មានភាពអសកម្ម ភាពអាត្មានិយម ការរស់នៅសំងំនៅស្ងៀមយកតែរួចខ្លួន គឺជាជោគជ័យដ៍មហាសាលរបស់មនុស្សអាក្រក់ និងជាឪកាសដ៍ល្អនៃការឈ្លានពានរបស់បរទេសជិតខាង ”_ខឹម វាសនា

“  ការរួបរួមសាមគ្គីដែលប្រកបដោយការយល់ដឹងស្មារតីភ្លឺស្វាងគឺជាបណ្តុំកម្លាំងចិត្តនិងកម្លាំងកាយដ៍មហាសាលដែលជាស្ពាននាំយើងទៅរកភាពរីកចម្រើនពិតប្រាកដ”_ខឹម វាសនា

“តួនាទីរបស់ព្រះអាទិត្យគឺបានត្រឹមតែបញ្ចេញកាំរស្មីមកលើផែនដីតែប៉ុណ្ណោះ ព្រះអាទិត្យមិនអាចទៅទាញទ្វារឬបង្អូចអោយចំហ ដើម្បីបញ្ចូនពន្លឺអោយភ្លឺទៅដល់មនុស្សទាំងឡាយណាដែលដេកសំងំតែក្នុងបន្ទប់នោះឡើយ។ដូចគ្នាទៅនឹងមនុស្សទាំងឡាយណាដែលមិនព្រមស្តាប់មិនព្រមត្រិះរិះពិចារណានោះ ដូច្នោះចំនេះដឹងឬគំនិតទស្សនៈដែលល្អៗមិនអាចរត់ទៅចូលក្នុងខួរក្បាលដើម្បីផ្តល់មូលដា្ធនក្នុងការពិចាររបស់អ្នកទាំងនោះងាយៗឡើយ ”_ខឹម វាសនា

“គ្មានអ្នកណាដែលថ្លង់ជាងមនុស្សដែលមានត្រចៀកហើយមិនព្រមស្តាប់នោះទេ ”_ខឹម វាសនា

“ប្រជាធិបតេយ្យមិនមែនសំដៅត្រឹមតែធុងឆ្នោត សន្លឹកឆ្នោត និងការទៅបោះឆ្នោតនោះទេ ប៉ុន្តែប្រជាធិបតេយ្យគឺជាទម្រង់នៃការគ្រប់គ្រងរដ្ធដែលសិទ្ធិ និងអំនាចក្នុងការចាត់ចែងកិច្ចការប្រទេសជាតិស្ថិតក្នុងកណ្តាប់ដៃរបស់ប្រជាពលរដ្ធ ហើយដាច់ខាតត្រូវមានប្រព័ន្ធធានាដល់ការប្រើសិទ្ធិ និងអំនាចជាម្ចាស់របស់ប្រជាពលរដ្ធជាអចិន្រ្តៃយ៍ ”_ខឹម វាសនា

“ ដាក់ខ្លួនអោយទាប ឫកពាអោយសុភាព តែការងារអោយណាស់​ ការងារត្រូវតែលឿនជាងសម្តី ”_ខឹម វាសនា

“ គ្រប់បញ្ហាទាំងអស់ដែលកើតមាននៅលើទឹកដីខ្មែរ គឺមានតែខ្មែរទេដែលជាអ្នកដោះស្រាយ ហើយគ្មានបរទេសណាឬអ្នកធំណា មកជួយដោះស្រាយជំនួសបាននោះទេ ”_ខឹម វាសនា

“ នៅសម័យលង្វែកបែកបន្ទាយបាត់គម្ពីរអស់ដោយសារប្រាក់ឌួង ហើយនៅសម័យនេះប្រហែលជាបាត់ដីអស់ដោយសារសារ៉ុង ក្រមា ប៊ីចេង នេះហើយមើលទៅ ”_ខឹម វាសនា

“ស្រុកខ្មែរយើងនេះមិនត្រូវបានបំផ្លាញដោយបរទេសនោះទេ ប៉ុន្តែត្រូវបានបំផ្លាញដោយសារខ្មែរសំងំនៅស្ងៀមឈរមើលបរទេសបំផ្លាញ ”_ខឹម វាសនា

“ គេបំផ្លាញយើងវាមិនស្អីនោះទេគ្មានអ្វីចំឡែកនោះទេ ប៉ុន្តែកុំអោយតែយើងបំផ្លាញខ្លួនឯងដោយមិនដឹងខ្លួន ”_ខឹម វាសនា

“ បើពូជសាសន៍ខ្មែររបស់យើងឥតមានប្រទេសឯករាជ្យផ្ទាល់ខ្លួននោះទេ ពូជសាសន៍របស់យើងមិនអាចភ្លាយទៅជាពលរដ្ធថ្លៃថ្នូរបាននោះទេ។ ទោះបីជាមានពលរដ្ធរបស់យើងខ្លះបានរស់នៅក្នុងអរិយប្រទេសដូចជាប្រទេសអឺរ៉ុប និងសហរដ្ធអាមេរិកក៍ដោយ ក៍មិនអាចមិនអាចភ្លាយទៅជាពលរដ្ធថ្លៃថ្នូរបាននោះទេ បើយើងរស់នៅគ្មានប្រទេសផ្ទាល់ខ្លួននោះ ”_ខឹម វាសនា

“ដើម្បីកសាងបានសង្គមជាតិមួយស្អាតស្អំ គឺត្រូវផ្តើមចេញពីភាពស្អាតស្អំជាគំរូពីកណា្តលបេះដូងរបស់សមាជិកសង្គមម្នាក់ៗជាមុនសិន ”_ខឹម វាសនា

“ជនជាតិខ្មែររបស់យើងជាទម្លាប់ស្តាប់ក៍មិនសូវចូលចិត្តស្តាប់ ពិចារណាក៍មិនសូវចូលចិត្តពិចារណា អានក៍មិនសូវចូលចិត្តអាន សង្កេតតក៍មិនសូវចូលចិត្តសង្កេត តាមដានក៍មិនសូវចូលចិត្តតាមដាន ហើយគិតតែពីជឿ​អញ្ចឹងវាឥតអ្វីចំឡែកនោះទេ រឿងជនជាតិខ្មែរល្ងង់ ”_ខឹម វាសនា

“ការមិនចេញទៅដោះស្រាយបញ្ហាពិតណាស់ បញ្ហានៅតែជាបញ្ហាប៉ុន្តែការចេញដោះស្រាយបញ្ហាហើយតែដោះស្រាយប្រភពបញ្ហាខុស បញ្ហាក៍នៅតែជាបញ្ហាប៉ុន្តែការកំនត់យកប្រភពបញ្ហាត្រូវហើយ តែឥតមានទស្សនៈក្នុងការដោះស្រាយបញ្ហា បញ្ហាក៍នៅតែជាបញ្ហាប៉ុន្តែមានទស្សនៈក្នុងការដោះស្រាយបញ្ហាហើយ ឥតមានសកម្មភាពជាក់ស្តែងក្នុងការដោះស្រាយបញ្ហា បញ្ហាក៍នៅតែជាបញ្ហាដដែរ ”_ខឹម វាសនា

“កុំបន្ទោសបរទេសជុំវិញ កុំបន្ទោសអ្នកដឹកនាំ បើយើងខ្លាំងគេធ្វើអ្វីយើងមិនកើតនោះទេ។ រឿងគេចង់ជិះជាន់យើង​​រឿងគេចង់យកទឹកដីយើង រឿងគេចង់បំផ្លាញយើង រឿងគេចង់ទាំងហ្នឹងជាកត្តាខាងក្រៅ យើងមិនអាចទៅផ្លាស់ប្តូរចិត្តរបស់គេបាននោះទេ ក៍ប៉ុន្តែយើងអាចផ្លាស់ប្តូរហេតុដែលស្ថិតនៅក្នុងកណ្តាប់ដៃរបស់យើងដើម្បីទប់ទល់ជាមួយនឹងចិត្តសត្រូវខាងក្រៅបាន ”_ខឹម វាសនា

“ប្រទេសជាតិមួយអាចនឹងរលាយបាន បើជនជាតិនៃប្រទេសនោះមិននាំគ្នាខ្វាយខ្វល់គិតគូររឿងនយោបាយ

ជនជាតិមួយចាញ់ឬឈ្នះជនជាតិមូយទៀត វាអាស្រ័យទៅលើការគុណភាពនៃការគិតរបស់ជនជាតិនោះ ”_ខឹម វាសនា

“អ្នកដឹកនាំខ្លាំង កើតចេញពីប្រជាពលរដ្ធខ្លាំង អ្នកដឹកនាំខ្សោយ កើតចេញពីប្រជាពលរដ្ធខ្សោយ

  ”_ខឹម វាសនា

“អ្នកខ្លះមិនទាន់បានស្តាប់គេផង និងមិនទាន់បានយល់អំពីគេផង រួចក៍តាំងខ្លួនជាចេះឯងតែម្តង មនុស្សប្រភេទនេះគឺជាមនុស្សដែលគាស់មិនឡើង។ បើសម្បូរតែប្រភេទមនុស្សបែបនេះ សង្គមនោះមិនងាយបានរីកចំរើនឡើយគឺមានតែវិនាសអន្តរាយ ”_ខឹម វាសនា

“មានរូបជាមនុស្សរស់ជាខ្ញុំគេតើរស់កើតទេម្ចាស់កេរអង្គរ ”_កឹម ពេជ្រ

“  នយោបាយមិនមែនជាមុខរបបរកស៊ីនោះទេ ប៉ុន្តែនយោបាយគឺជាសិល្បះនៃការធ្វើនាំសម្រេចទៅរកគោលដៅ”_ខឹម វាសនា

“ការអាន ការស្តាប់ ការពិចារណា ការសង្កេតតាមដាន ការសិក្សាស្រាវជ្រាវ ធ្វើអោយប្រទេសរបស់អ្នកខ្លាំង”_ខឹម វាសនា

“មិត្តល្អទាំងឡាយចេះនិយាយអំពើល្អរបស់មិត្ត និងចេះនិយាយការពារមិត្តនៅទីសាធារណៈ ហើយចេះនិយាយប្រាប់ពីកំហុសរបស់មិត្តនៅទីស្ងាត់កំបាំង។​មិត្តល្អទាំងឡាយមិនដែលចេះនិយាយដើមមិត្តនៅពីខាងក្រាយខ្នងមិត្តនោះទេ ក៍ប៉ុន្តែមិត្តល្អទាំងឡាយអាចនិយាយអំពីមិត្តនៅពីខាងក្រាយខ្នងមិត្តបាន លុះត្រាតែមានបុគ្គលមួយទៀតដែលជាទីគោរពជាងបុគ្គលដែលខ្លួនរាប់អាន ”_ខឹម វាសនា

“គណបក្ស LDP គឺជាចលនានយោបាយប្រជាធិបតេយ្យមួយដែលកើតចេញពីការចូលរួមរបស់ប្រជាពលរដ្ធដែលជាម្ចាស់ប្រទេសម្ចាស់សិទ្ធិអំនាចដែលមានលក្ខណៈយល់ដឹងស្មារតីភ្លឺស្វាងដើម្បីចូលរួមបង្កើតនូវសុបិនរបស់ពួកយើងគឺ”មាតុភូមិមួយដែលពួកយើងរស់នៅដោយស្មើភាពគ្នាក្នុងភាពជាម្ចាស់”​ដោយកណ្តាប់ដៃរបស់ពួកយើង ”_ខឹម វាសនា

“ការផ្តល់មូលដ្ធានក្នុងការពិចារណាដល់ប្រជាពលរដ្ធអោយយល់ដឹងពីមនោគមវិជ្ជារបស់យើងដើម្បីផ្តិតនូវមនោគមវិជ្ជានេះអោយដិតជាប់ក្នុងបេះដូង និងនៅក្នុងខួរក្បាដែលជាផែនទីបាញ់ឆ្ពោះទៅរកគោលដៅនោះគឺជាកិច្ចការដ៍សំខាន់ណាស់របស់ពួកយើង ”_ខឹម វាសនា

“ការធ្វើនយោបាយសំខាន់ណាស់ មនោគមវិជ្ជានយោបាយ នយោបាយមួយដាច់ខាតត្រូវមានមនោគមវិជ្ជា”_ខឹម វាសនា

“មនុស្សដែលមានតម្លៃជាមនុស្សដែលធ្វើការងារដែលត្រឹមត្រូវ ហើយគេយល់ថាការងារដែលគេធ្វើជាការងារដែលមានតម្លៃ ”_ខឹម វាសនា

“ដើម្បីកសាងប្រទេសជាតិមួយសំខាន់ណាស់ ការចូលរួមរបស់ប្រជាពលរដ្ធ ”_ខឹម វាសនា

“ការបំផ្លាញការគិតអោយមនុស្សគិតខុសឬអោយមនុស្សលែងប្រើខួរក្បាលរបស់ខ្លួនឯង ដោយប្រើតែជំនឿនោះគឺការបំផ្លាញជាតិដល់ឫសគល់ ”_ខឹម វាសនា

“ជីវិតមួយដែលពេញលក្ខណៈជាជីវិតនោះគឺជាជីវិតដែលយកមកប្រឈមគ្រប់ឧបសគ្គលំបាកទាំងអស់ដើម្បីបម្រើឧត្តមគតិ និងមនោសញ្ចោតនារបស់ខ្លួនប្រាសចាកភាពអាត្មានិយម ”_ខឹម វាសនា

“មួយថ្ងៃទៅមួយថ្ងៃជីវិតរាងកាយរបស់មនុស្សមានការវិរដ្តន៍ទៅៗពីក្មេងទៅចាស់។ តាមការពិចារណាយូរៗទៅឃើញថា ច្បាប់ធម្មជាតិបង្កើតជីវិតរបស់មនុស្សកើតមកនៅលើផែនដីគ្រាន់តែដើម្បីស៊ីផឹក រៀនសូត្រ ធ្វើការងារ ស៊ីដេកដើរលេងគ្រាន់តែដើម្បីសប្បាយ រៀបការរវាងប្តីប្រពន្ធ បង្កើតកូននៅលើផេនដីចោល លុះដល់ចាស់ជរាមានជំងឺក៍ឈឺស្លាប់ចោលបាត់ទៅ ដូច្នោះជីវិតដែលកើតមកនៅលើផែនដីដូចជាគ្មានន័យ អត្តប្រយោជន៍អ្វីទាំងអស់សោះ ដូចនេះគួរតែប្រើជីវិតរបស់យើងដែលរស់ខំធ្វើការងារអ្វីដែលមានតម្លៃអោយអស់ពីសមត្ថភាពមុននឹងខ្លួនស្លាប់ទៅនោះ ”_ខឹម វាសនា

“យើងត្រូវដើរសន្សឹមៗដោយមានការប្រុងប្រយ័ត្ន ពីព្រោះយើងប្រញាប់ណាស់ ”_ខឹម វាសនា

“  អ្នកត្រូវបានគេដាក់ងារអោយថា ជាសរសរទ្រូងនៃប្រទេសជាតិជាទំពាំងឫស្សី តើអ្នកមានចូលរួមគិតគូរឬធ្វើអ្វីខ្លះហើយឬទេសម្រាប់សង្គមជាតិរបស់អ្នកឬក៍គិតតែប្រយោជន៍ផ្ទាល់ខ្លួនហើយរស់នៅសំងំនៅស្ងៀមយកតែរួចខ្លួននៅក្នុងគ្រួសាររបស់អ្នក ហើយអ្នកគិតថាវាជាការជួយសង្គមជាតិរបស់អ្នកហើយមែនទេ?”_ខឹម វាសនា

“ការធ្វើខ្លួនភ្លាយទៅជាសមាជិកល្អម្នាក់នៅក្នុងគ្រួសារ គឺវាជារឿងមួយល្អណាស់។ ក៍ប៉ុន្តែអ្នកជាសមាជិកមួយរូបនៅក្នុងសង្គមជាតិមួយថាតើអ្នកត្រូវចូលរួមគិតគូរបែបណាខ្លះដើម្បីអោយខ្លួនរបស់អ្នកភ្លាយជាធនធានមនុស្សមួយដ៍សំខាន់នៅក្នុងសង្គមជាតិមួយ?  ”_ខឹម វាសនា

“មនុស្សដែលមានសេចក្តីថ្លៃថ្នូរបំផុតនៅក្នុងខ្លួននោះ គឺមិនមែនទៅលើមនុស្សដែលមានទ្រព្យសម្បត្តិច្រើន និងមានបុណ្យសក្តិធំនោះទេ ប៉ុន្តែគឺជាមនុស្សដែលប្រើជីរិតរបស់គេដើម្បីបម្រើការងារឧត្តមគតិ ”_ខឹម វាសនា

“សង្គមណាដែលដណ្តើមគ្នារស់និងងាយវិនាសហិនហោចណាស់ គឺសង្គមនោះសម្បូរទៅដោយមនុស្សបីពួកគឺ មនុស្សដែលបោកប្រាសគេជិះជាន់គេ និងមនុស្សល្ងង់ដែលត្រូវបានគេបោកប្រាស​ ព្រមទាំងមនុស្សក្រៅសង្គមគឺជាមនុស្សដែលរស់នៅយកតែរួចខ្លួន។ ចំនែកឯមនុស្សដែលមានដួងចិត្តចង់សង្រ្គោះចង់អោយមនុស្សយល់ និងស្រឡាញ់អំពើល្អមានចំនួនតិច  ”_ខឹម វាសនា

“នៅពេលអ្នកជួបប្រទះបញ្ហាណាមួយអ្នកត្រូវតែរកប្រភពបញ្ហាអោយឃើញ នៅពេលអ្នករកប្រភពបញ្ហាឃើញហើយអ្នកត្រូវតែរកដំណោះស្រាយ នៅពេលអ្នករកដំណោះស្រាយឃើញហើយអ្នកត្រូវតែពន្យល់និងប្រាប់ដល់អ្នកដរទៃអោយចូលរួមដំណោះស្រាយនូវបញ្ហាទាំងនោះ ”_ខឹម វាសនា

“បើអ្នកបានដឹងហើយបានយល់ហើយថាវាជារឿងល្អត្រឹមត្រូវហើយ តែបើអ្នកមិនព្រមចាប់ផ្តើមចូលរួមធ្វើពីខ្លួនអ្នកជាមុនសិននោះទេ វានៅតែបរាជ័យដដែរ។ បើយល់ថាត្រឹមត្រូវហើយ ត្រូវឈានទៅមុខមួយជំនាន់ ប្រសើរជាងនៅមួយកន្លែងដដែរ ”_ខឹម វាសនា

“មនុស្សល្អមានធាតុល្អជាធាតុទ្រទ្រង់ រីឯមនុស្សអាក្រក់មានធាតុអាក្រក់ជាធាតុទ្រទ្រង់

មនុស្សល្អធ្វើអំពើល្អបានយ៉ាងងាយ ហើយងាកមកធ្វើអំពើអាក្រក់បានដោយលំបាក រីឯមនុស្សអាក្រក់ធ្វើអំពើអាក្រក់បានយ៉ាងងាយ ហើយងាកមកធ្វើអំពើល្អវិញបានដោយលំបាក ”_ខឹម វាសនា

“ដើម្បីសម្រេចបានគោលដៅដ៍ល្អនោះ អ្នកត្រូវតែមានចំនុចចាប់ផ្តើមប្រកបដោយការយល់ដឹងជាមុនសិន  ”_ខឹម វាសនា

“  មនុស្សល្អមានកត្តាប្រាំយ៉ាងគឺស្គាល់អំពើល្អ ស្រឡាញ់អំពើល្អ ដាំបណ្តុះអំពើល្អ ការពារអំពើល្អ និងពង្រីកអំពើល្អ និងភ្ជាប់ជាមួយនឹងកាតព្វកិច្ចក្នុងការកំចាត់អំពើក្រក់​”_ខឹម វាសនា

“  បើអ្នកជាមនុស្សរស់នៅក្នុងសង្គមហើយ មិនបានចូលរួមគិតគូររឿងនយោបាយនោះ គឺបានន័យថាអ្នកកំពុងតែធ្វើនយោបាយបំផ្តិចបំផ្លាញសង្គមជាតិរបស់អ្នកដ៍គួរអោយភ័យខ្លាចណាស់ ពីព្រោះរឿនយោបាយជារឿងរបស់អ្នកដែលវាជាប់ទាក់ទងទៅនឹងឆ្នាំងបាយរបស់អ្នក”_ខឹម វាសនា

“  អ្នកអាចនឹងចាញ់ ចាញ់ហើយចាញ់ទៀត ចាញ់ជារៀងរហូតពីព្រោះអ្នកគិតខ្លាំងណាស់អំពីការឈ្នះ ក៍ប៉ុន្តែអ្នកអាចនឹងឈ្នះ ហើយឈ្នះទៀត ឈ្នះជារៀងរហូតពីព្រោះដោយសារតែអ្នកមិនដែលបានគិតអំពីការឈ្នះនោះទល់តែសោះហើយគិតតែធ្វើការងារណាដែលត្រឹមត្រូវ”_ខឹម វាសនា

“អ្នកខ្លាំងដ៍ពិតប្រាកដគឺជាអ្នកដែលហ៊ានលះបង់ផលប្រយោជន៍ផ្ទាល់ខ្លួនប្រាសចាកភាពអាត្មានិយម ដើម្បីសេចក្តីសុខអ្នកដរទៃ ”_ខឹម វាសនា

“ដើម្បីដេញជនអន្តោប្រវេសន៍ខុសច្បាប់ ចេញពីស្រុកខ្មែរបាន ដំបូងលុះត្រាតែខ្មែរយើងឯកភាពគ្នាជាមុនសិន ”_ខឹម វាសនា

“មូលហេតុដែលនាំអោយមានការអនុវត្តន៍ច្បាប់ជាទូទៅគ្មានប្រសិទ្ធិភាពនៅក្នុងសង្គមខ្មែរនោះ គឺមកពីអំនាចប្រមូលផ្តុំទៅលើដៃបុគ្គលមួយក្តាប់តូច ”_ខឹម វាសនា

“ដើម្បីអោយសង្គមនីតិរដ្ធមួយអនុវត្តន៍ច្បាប់ទៅលើមនុស្សទាំងអស់នៅក្នុងសង្គមមានប្រសិទ្ធិនោះ លុះត្រាតែមានប្រព័ន្ធតុល្យភាពអំនាចរវាងប្រជាពលរដ្ធដែលជាម្ចាស់ប្រទេសនិងអ្នកដឹកនាំកិច្ចការស្រុកទេស ”_ខឹម វាសនា

“គោលដៅមួយអាចចាត់ទុកជាគោលដៅមួយបាន លុះត្រាតែមានលក្ខណៈជាក់លាក់ ជាក់ស្តែង ប្រាកដនិយមដែលអាចធ្វើទៅកើត ”_ខឹម វាសនា

“គោលនយោបាយរបស់គណបក្សមួយឆ្លុះបញ្ចាំងលក្ខណៈពីរយ៉ាងគឺ ៖​ទី១ ឆ្លុះបញ្ចាំងអោយឃើញពីឆន្ទៈរបស់គណបក្សក្នុងការដោះស្រាយបញ្ហា​ និងទី២ ឆ្លុះបញ្ចាំងអោយឃើញពីសមត្ថភាព និងវិធានការនៃការយល់ឃើញរបស់គណបក្សនោះក្នុងការដោះស្រាយ ”_ខឹម វាសនា

“  គ្រប់បញ្ហាទាំងអស់ដែលកើតមាននៅលើទឹកដីខ្មែររបស់យើងមានតែខ្មែរយើងទេដែលជាអ្នកដោះស្រាយ ហើយបើខ្មែរយើងមិនព្រមចាប់ផ្តើមធ្វើ និងចាប់ផ្តើមងើបនោះទេតើកាលណានឹងឆាប់បានដល់គោលដៅទៅ? តើនឹងអោយអ្នកណាធ្វើទៅ បើយើងមិនធ្វើ? ហើយចាំ​ ចាំចាំ ដល់ពេលណាទៅ? ហើយកុំទៅសង្ឃឹមថាបរទេសណាឬអ្នកធំណាមកជួយដោះស្រាយជំនួសបាននោះ បើខ្មែរមិនព្រមដោះស្រាយខ្លួនឯងនោះ។”_ខឹម វាសនា

“ប្រជាធិបតេយ្យឥតដុះបាននៅក្នុងសង្គមខ្មែរ គឺជាជាប់ទាក់ទងទៅនឹងការយល់ដឹងរបស់ប្រជាពលរដ្ធ

 ”_ខឹម វាសនា

“ប្រជាធិបតេយ្យ បើខ្វះការចូលរួមពីសំណាក់ប្រជាពលរដ្ធ មិនមែនជាប្រជាធិបតេយ្យនោះទេ  ”_ខឹម វាសនា

“  ធនធានដ៍ពិតប្រាកដនៃប្រទេសមួយ មិនមែនធនធានធម្មជាតិ ហើយក៍មិនមែនបេតិភណ្ឌជាតិនោះទេ ប៉ុន្តែធនធានដ៍ពិតប្រាកដនៃប្រទេសនោះគឺធនធានមនុស្ស- សម្បតិ្តដែលមានតម្លៃដ៍ថ្លៃថ្លាបំផុតរបស់ប្រទេសនីមួយៗមិនមែនសម្បតិ្តធម្មជាតិ​ ហើយក៍មិនមែនសម្បតិ្តបេតិភណ្ឌជាតិនោះទេ ប៉ុន្តែសម្បតិ្តដ៍ពិតប្រាកដនៃប្រទេសនោះគឺ សម្បត្តិមនុស្សនេះឯង”_ខឹម វាសនា

“យើងឈ្លោះគ្នា ព្រោះយើងចង់អោយពួកយើងត្រូវរ៉ូវគ្នា យើងឈ្លោះគ្នា ព្រោះយើងចង់អោយពួកយើងសាមគ្គីគ្នា យើងឈ្លោះប្រកែកគ្នា​ បែកជាបក្សផ្សេងគ្នា ព្រោះយើងចង់អោយប្រទេសយើងរីកចំរើកជឿនលឿន។  គ្មានការត្រូវរ៉ូវណាមួយដែលមិនផ្តើមចេញពីជម្លោះដោយឈរលើគោលការណ៍សុចរិតភាព និងផលប្រយោជន៍រួមនោះទេ ”_ខឹម វាសនា

“ការចេញទៅឃោសនានយោបាយមិនមែនដើម្បីតែតម្រង់ទៅរកសន្លឹកឆ្នោតនោះទេ ប៉ុន្តែគឺជាការស្វែករកការគាំទ្រគំនិត ”_ខឹម វាសនា

 “តើបេះដូងរបស់អ្នកអាចចាត់ទុកជនរួមឈាមរបស់យើងទាំងអស់គ្នា ជាសមាជិកគ្រួសាររបស់អ្នកផងបានដែរឬទេ? ”_ខឹម វាសនា

“ LDP គឺជាបក្សរបស់ប្រជាពលរដ្ន ដូចនេះការចូលរួមរបស់ប្រជាពលរដ្ឋដូចជា បង់ប្រាក់គឺជាការចាំបាច់ដើម្បីសម្រេចគោលដៅរបស់ខ្លួន (LDP) ”_ខឹម វាសនា

“បើ​អ្នក​បន់​ស្រន់​ព្រះ​បាន​សូម​អ្នក​បន់​ព្រះ​ឲ្យ​​ជួយ​ជំរុញ​ទឹក​ ចិត្ត​អ្នក​ ឲ្យ​មាន​ការ​តស៊ូ​​ខ្លាំង​ខ្លា​​បាន​យូរ​ជាង​គេ​ទៅ​បាន​ហើយ ”_ខឹម វាសនា

“ការ​ងារ​ដែល​ទៅ​មិន​រួច​គឺ​បណ្តាល​មក​ពី​គំនិត​​ត្រូវ​ហើយ​ទៅ​មិន​រួច​​ ​របស់​ប្រ​ជា​ពលរដ្ឋ​ខ្មែរ​ភាគ​ច្រើន ឬ​បណ្តាល​មក​ពី​ភាព​អសកម្ម​ដែល​មាន​ក្នុង​ខ្លួន​របស់​ប្រ​ជា​ពល​រដ្ឋ ”_ខឹម វាសនា

“កសិករ​ខ្មែរ​របស់​យើង​បើ​យើង​មិន​ជួយ​ពួក​គាត់​​ដោយ​ខន្តី​និង​ការ​យល់​ ដឹង​នោះ​ទេ​ គេ​បោក​ពួក​គាត់​រហូត​ដល់​ស្លាប់​ បោក​ បោក​… គ្រប់​ទី​កន្លែង​ បោកមួយជីរិត ”_ខឹម វាសនា

“បើអ្នកជ្រើស​រើស​អ្នក​នយោបាយ  អ្នកត្រូវ​រើស​អ្នក​នយោបាយដែល​មាន​សមត្ថភាព​និង​មាន​ចិត្ត​អាណិត​ស្រលាញ់​ចំពោះអ្នក​ពិត​ប្រាកដ​ ”_ខឹម វាសនា

“  បើ​យើង​និយាយ​ពី​ការ​ផ្លាស់​ប្តូរ​សង្គមមួយ ​គឺ​ត្រូវ​និយាយ​ពី​ការ​ផ្លាស់​ប្តូរ​​អត្ត​ចរិក​​​ជន​ជាតិនៅក្នុងសង្គម​នោះជាមុនសិន”_ខឹម វាសនា

“យើង​ទូល​ផែន​ដី​ម្នាក់​ឯង​មិន​រួច​នោះទេ ដូច្នេះ​យើង​កំពុង​តែ​ខិត​ខំ​​​ប្រមូល​​​ កំលាំង​គ្នា​​ជួយ​ទូល​​ព្រោះ​ការ​ងារ​នេះ​ជា​ការ​ងារ​រួម​ ​ហើយ​ផលដែលទទួលបានជារបស់យើងទាំង​អស់​គ្នា   ​ដូច្នេះ​យើង​មិន​ត្រូវ​ចាំ​នរណា​ម្នាក់​ធ្វើ​ឲ្យ​ យើង​នោះទ្បើយ​ ”_ខឹម វាសនា

“ដង្ហើម​នៅ​តែ​មាន​ការ​តស៊ូ​ពុះ​ពារ​ដើម្បី​សិទ្ធិ​សេរីភាព​​ត្រូវ​តែ​មាន  គ្មាន​នរណា​គេ​ធ្វើ​ឲ្យ​យើង​នោះទេ  ​បើ​យើង​ជា​អ្នក​រង​គ្រោះ​មិន​រួបរួម​គ្នា​ ដើម្បី​ដោះ​ស្រាយ​បញ្ហា​លំបាក​ទាំង​ទ្បាយ ”_ខឹម វាសនា

LDP ៖ ការងារថ្លៃថ្នូរគឺជាការងាររកប្រយោជន៍ដល់អ្នកដទៃ។

LDP ៖ ការងារថ្លៃថ្នូរគឺជាការងារប្រាសចាកអត្មានិយម។

LDP ៖ បញ្ហាធំបំផុតនៅក្នុងប្រទេសកម្ពុជាគឺភាពល្ងង់ខ្លៅរបស់ប្រជាជន។

LDP ៖ អំណាចប្រមូលផ្តំគឺជានយោបាយជីកកប់ខ្លួនឯង។

LDP ៖ មនុស្សឆ្លាត រៀនពីកំហុស ឬទង្វើរបស់អ្នកដទៃ មនុស្សល្ងង់រៀពីកំហុសឬទង្វើខ្លួនឯង រីឯមនុស្សមហាល្ងង់រៀនពីកំហុស ឬទង្វើខ្លួនឯងមិនចេះផង។

LDP ៖ នៅលើលោកនេះ ឲ្យតែចង់បោកប្រាស់ មិនខ្វះមនុស្ស ដែលអាចបោកប្រាស់បានទេ។

LDP ៖ នៅលើលោកនេះ ធម៌ទាំងអស់កើតមិនដាច់ពីគ្នា។

LDP ៖ នៅលើលោកនេះ រឿងពិតមានតែមួយគត់។

LDP គឺជាបក្សរបស់ប្រជាពលរដ្ន។ ដូចនេះការចូលរួមរបស់របស់ប្រជាពលរដ្ឋដូចជាបង់ប្រាក់

គឺជាការចាំបាច់ដើម្បីសម្រេចគោលដៅរបស់ខ្លួន។

LDP ៖ កើតពីអ្នកក្រ របស់អ្នកក្រ ដើម្បីអ្នកក្រ។

LDP ៖ សត្រូវនៃភាពល្អប្រសើរ មិនមែនភាពអាក្រក់ទេ ប៉ុន្តែសត្រូវពិតប្រាកដ នៃភាពល្អប្រសើរគឺភាពល្អ។

គណបក្សសម្ព័ន្ធដើម្បីប្រជាធិបតេយ្យ ៖ ផ្តល់ឳកាសដល់កូនខ្មែរ ដែលមានសមត្ថភាព ដើម្បី បញ្ចេញសមត្ថភាពដឹកនាំប្រទេស។

គណបក្សសម្ព័ន្ធដើម្បីប្រជាធិបតេយ្យ ៖ រៀបចំប្រព័ន្ធដឹកនាំ ឲ្យអ្នកដឹកនាំធ្វើជាកញ្ជះរបស់រាស្រ្ត។

គណបក្សសម្ព័ន្ធដើម្បីប្រជាធិបតេយ្យ ៖ ទាំងអស់គ្នា ដើម្បីទាំងអស់គ្នា។

មនុស្សអាក្រក់ និងមនុស្សល្អ កើតមាននៅលើលោកតាមច្បាប់ធម្មជាតិ។ ប៉ុន្តែមនុស្សអាក្រក់មានច្រើន គឺដោយសារភាពអសកម្មនៃមនុស្សល្អ។

មនុស្សអាក្រក់ មានធាតុអាក្រក់ជាអ្នកទ្រទ្រង់ រីឯមនុស្សល្អមានធាតុល្អជាអ្នកទ្រទ្រង់

មិនខុសគ្នា នឹងអំពិលមានធាតុជូរជាអ្នកទ្រទ្រង់ រឺឯអំពៅមានជាតិផ្អែមជាអ្នកទ្រទ្រង់។

មនុស្សល្អមានធាតុសំខាន់បួនយ៉ាង គឺ (១) ស្គាល់អំពើល្អ (២) យកអំពើល្អដាក់ក្នុងខ្លួន(៣) ប្រតិបត្តិអំពើល្អ និង (៤) ពង្រើកអំពើល្អ។

“ ធ្វើនយោបាយ ដោយប្រើបេះដូងបរិសុទ្ធ ”_ខឹម វាសនា

“ទំនាស់មួយអាចដោះស្រាយបានយ៉ាងងាយ ប្រសិនបើភាគីទំនាស់យកប្រយោជន៍រួមជាគោល។ទំនាស់មួយមិនអាចដោះស្រាយបានឡើយ ប្រសិនភាគីនៃទំនាស់តម្កល់ប្រយោជន៍បុគ្គលជាធំ ”_ខឹម វាសនា

“អ្នកនយោបាយ ដែលមានបេះដូងសង្រ្គោះ ជួយមនុស្សច្រើនបំផុត ”_ខឹម វាសនា

“ព្រះពុទ្ធ គឺជាបុគ្គលត្រាស់ដឹង ពុំមែនជាទស្សវិទូឡើយ ”_ខឹម វាសនា

“មនុស្សមានប្រយោជន៍ គឺជាមនុស្សពូកែរកប្រយោជន៍ពីកន្លែង ឬសកម្មភាពគ្មានប្រយោជន៍ ”_ខឹម វាសនា

“កត្តាសំខាន់មួយនៃប្រជាធិបតេយ្យ គឺការចូលរួម ”_ខឹម វាសនា

“  ការជជែករឿងសាសនា គឺនាំឲ្យឈ្លោះគ្នា”_ខឹម វាសនា

“កត្តាបីយ៉ាងដែលធ្វើឲ្យយឺតយូរក្នុងការយល់ដឹងពីសេចក្តីពិតក្នុងចំណោមបញ្ញាវន្តខ្មែរ គឺទិដ្ឋិ មានៈ និងតណ្ហា ”_ខឹម វាសនា

“នៅលើលោកនេះ សេចក្តីសេ្នហាណាក៏មានការប្រែប្រួលដែរ លើកលែងតែសេចក្តីសេ្នហារបស់ម្តាយចំពោះកូន ”_ខឹម វាសនា

“ការគិតរបស់ប្រជាជន គឺជាការកំណត់វាសនាប្រទេសជាតិ ”_ខឹម វាសនា

“កាលណាមនុស្សម្នាក់កាន់តែជឿ មនុស្សនោះកាន់តែបិទការគិតរបស់ខ្លួន ”_ខឹម វាសនា

“អ្នកដឹកនាំត្រូវចេះ ធ្វើឲ្យសម្រេចគោលដៅ ដោយមិននាំខូចប្រយោជន៍របស់អ្នកចូលរួម ”_ខឹម វាសនា

“អ្នកដឹកនាំត្រូវមានទេព្យកោសល្យធម្មជាតិពីរយ៉ាង គឺបេះដូងស្មោះត្រង់ពិតប្រាកដ និងមានទស្សនវិស័យ ”_ខឹម វាសនា

“  មនុស្សល្ងង់មើលបញ្ហានឹងភ្នែក មនុស្សឆ្លាតមើលបញ្ហានឹងគំនិត និងការវិភាគ”_ខឹម វាសនា

“គ្រាន់តែចេះជេរ ឬចេះនិយាយពីបញ្ហា ពុំមែនជាលំនាំលទ្ធិប្រជាធិបតេយ្យឡើយ  ”_ខឹម វាសនា

“  នៅក្នុងសង្គមប្រជាធិបតេយ្យ ការដឹកនាំប្រៀបបានទៅនឹងការបររទេះសេះ។ រដ្ឋាភិបាលជារទេះ ហើយប្រជាជនជាអ្នកបររទេះនោះ”_ខឹម វាសនា

“ នៅក្នុងសង្គមប្រជាធិបតេយ្យ គ្មាននរណាធ្វើការសម្រាប់នរណាម្នាក់ទៀតឡើយ។

មនុស្សទាំងអស់ គ្នាធ្វើការដើម្បី ប្រយោជន៍ទាំងអស់គ្នា ”_ខឹម វាសនា

“នៅក្នុងសង្គមប្រជាធិបតេយ្យ គ្មានវណ្ណៈដឹកនាំគេ ឬវណ្ណៈត្រូវបានគេដឹកនាំឡើយ ”_ខឹម វាសនា

“មនុស្សពូកែ គឺពូកែដោះស្រាយបញ្ហា មិនមែនយំសែ្រកជាមួយបញ្ហាឡើយ ”_ខឹម វាសនា

“មនុស្សល្ងង់ និងមនុស្សអាក្រក់ តែងយកខ្លួនឯងជាសត្រូវ ”_ខឹម វាសនា

“ តើអ្នកនៅតែចង់ និងយល់ព្រមអោយប្រជាពលរដ្ឋខ្មែរដែលជាម្ចាស់ប្រទេសរស់នៅក្រាមឆន្ទៈរបស់មេដឹកនាំ ឬអ្នកនយោបាយជាអ្នកដឹកនាំ ជាម៉ែ ជាឳ ហើយរស់នៅជ្រកក្រាមម្លប់ និងក្តីមេត្តារបស់គេជារៀងរហូតតទៅទៀត ឬយ៉ាងណា? ”_ខឹម វាសនា

“មនុស្សដែលអាចចាត់ទុកជាធនធានដ៍សំខាន់នៃប្រទេសមួយបានត្រូវមានខ្លឹមដែលក្តោបនូវលក្ខណៈ៣ ៖ ជាមនុស្សសំបូរទៅដោយចំណេះដឹងផ្នែកជំនាញបច្ចេកទេស ជាមនុស្សសំបូរទៅដោយចំណេះដឹងផ្នែកទស្សនវិជ្ជា និងជាមនុស្សសំបូរទៅដោយចំណេះដឹងផ្នែកគុណធម៏  ”_ខឹម វាសនា

“  ខ្ញុំពិតជាមានការឈឺចាប់ខ្លាំងណាស់ដែលខ្ញុំស្មោះត្រង់ចំពោះអ្នក ប៉ុន្តែអ្នកបែរជាក្បត់ខ្ញុំតែការឈឺចាប់នេះនៅមានទំហំតិចជាងវិប្បដិសារីដែលខ្ញុំក្បត់អ្នក នៅពេលដែលអ្នកស្មោះត្រង់នឹងខ្ញុំ”_ខឹម វាសនា

“  ការមើលងាយការទុកចិត្តរបស់មនុស្ស ជាអំពើដ៍ថោកទាបបំផុត”_ខឹម វាសនា

“ខ្ញុំពេញចិត្តនឹងស៊ូទ្រាំចំពោះការលំបាកគ្រប់បែបយ៉ាងទាំងអស់ដោយគ្មានការចូលរួមពីមនុស្សជាទីស្រឡាញ់របស់ខ្ញុំ ប៉ុន្តែខ្ញុំពិតជាមានការឈឺចាប់ខ្លាំងណាស់ នៅពេលខ្ញុំមានសេចក្តីសុខរួចហើយខ្ញុំមិនអាចចែករំលែកសេចក្តីសុខនោះទៅ​កាន់មនុស្សជាទីស្រឡាញ់របស់ខ្ញុំបាន ”_ខឹម វាសនា

“  ការបដិសេដ្ឋពាក្យសន្យាមួយដោយភ្ជាប់ហេតុផលត្រឹមត្រូវ ប្រសើរជាងការសន្យាមួយដោយខ្លូនអ្នកមិនច្បាស់លាស់”_ខឹម វាសនា

“បើយើងមិនផ្លាស់ប្តូរផ្នត់គំនិតអត្តរិចរបស់ប្រជាពលរដ្ឋខ្មែររបស់យើងនោះទេ កុំសង្ឃឹមថាស្រុកខ្មែររបស់យើងអាចដោះស្រាយបញ្ហារួចនោះ ”_ខឹម វាសនា

“បើជនជាតិខ្មែររបស់យើងមិនទាន់ឯកភាពផ្ទៃក្នុងគ្នា ដោយផ្នែកទៅលើភាពសុចរិតទៀតត្រង់ជាបាតគ្រឹះយុត្តិធម៏នោះទេ កុំទៅសង្ឃឹមថាខ្មែរអាចមានកំលាំងគ្រប់គ្រាន់ចេញទៅច្បាំងជាមួយបរទេសបាន  ”_ខឹម វាសនា

“បាយ អាហារ សំលៀកបំពាក់ ថ្នាំសង្កូវ មធ្យោបាយធ្វើដំណើរ​ លោកសំភារៈ ហើយនិងផ្ទះសំបែង គ្រាន់តែញាំងជីរិតដើម្បីអោយបានរស់នៅតែប៉ុណ្ណោះ ប៉ុន្តែជីរិតដែលរស់នៅមានលក្ខណៈពេញលេញនោះ គឺលុះត្រាតែមានសេរីភាពក្នុងការគិត ហើយនិងមានសេរីភាពក្នុងការបញ្ចេញការគិតមកខាងក្រៅ ”_ខឹម វាសនា

“គ្មានការធ្វើបុណ្យឯណាដែលល្អប្រសើរថ្លៃថ្លាជាងការធ្វើនយោបាយព្រោះរឿងជួយជាតិដោយបេះដូងសង្រ្គោះនោះទេ ”_ខឹម វាសនា

“ ចូរកុំយកចិត្តដ៏កខ្វក់ មកថ្លឹងទៅលើនរណាម្នាក់  ”_ខឹម វាសនា

“ ការគិតទៅលើអ្វីមួយថាវាមានតែចំណុចល្អទំាងអស់ក៍មិនត្រូវហើយគិតថាវាមានតែចំណុចមិនល្អទំាងអស់ក៍មិនត្រូវ ប៉ុន្តែអ្វីដែលត្រឹមត្រូវគឺទទួលស្គាល់ការពិតរបស់វា ”_ខឹម វាសនា

“ច្បាប់ធូររលុង បង្កើតបាននូវបរិស្ថានយ៉ាងអំណោយផល សំរាប់ការលូត លាស់នៃអំពើអាក្រក់គ្រប់ប្រភេទហើយ វាកាន់តែអាក្រក់ជាងនោះទៅ ទៀត បើក្នុងបរិស្ថាននោះ សំបូរទៅដោយមនុស្សល្ងង់ខ្លៅ”_ខឹម វាសនា

“8ចំនុច ជាគន្លឹះ មិនអាចខ្វះបាន ដែលត្រូវសិក្សាអោយល្អិតល្អន់ដើម្បីធានាបាននូវការផ្លាស់ប្តូរស្ថានភាពស្រុកទេសមួយ ពីអាក្រក់ទៅល្អ។
1- ត្រូវតែសិក្សាមើលថាតើស្រុកទេសនេះមានបញ្ហាមែនដែរឬទេ?
2-ត្រូវសិក្សាអោយល្អិតល្អន់ រកមើលអោយច្បាស់ថា បញ្ហាដែលកំពុងកើតមាននោះ មានអ្វីជាប្រភព?
3-បើរកឃើញប្រភពនៃបញ្ហាទាំងនោះហើយ ត្រូវបង្កើតជាទស្សនៈក្នុងការលុបបំបាត់ប្រភពដែលនាំអោកើតបញ្ហានោះ។
4-ក្នុងការដោះស្រាយបញ្ហាស្រុកទេសដែលយើងហៅថានយោបាយ វាទាមទាអោយមានឥរិយាបទនយោបាយមួយដែលជាក់លាក់ ប្រាកដប្រជា និងសមស្របនឹងស្ថានភាពជាក់ស្តែងដែលបញ្ហានោះកំពុងស្ថិតនៅ។ ដូច្នេះការសិក្សាអំពីឧបសគ្គដែលអ្នកចូលរួមដោះស្រាយបញ្ហានឹងជួបប្រទះក្នុងពេលពួកគេកំពុងដោះស្រាយបញ្ហា ដើម្បីកំណត់អោយចេញជាឥរិយាបទនយោបាយមួយដែលស្របនឹងស្ថានភាពដែលបញ្ហានោះកំពុងតែស្ថិតនៅគឺជារឿងដែលមិនអាខ្វះបាន។
5-ការកំនត់អោយចេញនូវ លក្ខណៈសម្បត្តិនៃបុគ្គលដែលត្រូវចូលរួមដោះស្រាយបញ្ហាដែលយើងចង់ដោះស្រាយនោះ ក៏ជាកិច្ចការដែលមិនអាចខ្វះបានដែរ។
6-ត្រូវគិតអោយឃើញថា ទស្សនៈក្នុងការដោះស្រាយបញ្ហា វាគឺជាអ្វីដែលនឹងត្រូវកើតឡើងក្នុងអនាគតកាល ប៉ុន្តែពួកអ្នកចង់ដោះស្រាយបញ្ហាកំពុងតែស្ថិតក្នុងបច្ចុប្បន្នកាល។ ពីបច្ចុប្បន្ន ទៅអនាគតវាជាកំណាត់ផ្លូវមួយ ដែលដាច់ខាតវាត្រូវតែមានចំនុចដែលត្រូវចេញដំណើរ ឬហៅថាចំណុចចាប់ផ្តើម។ ការកំនត់អោយឃើញច្បាស់នូវចំនុចចាប់ផ្តើមគឺជាចំនុចមិនអាចខ្វះបានមួយទៀត។ ដើម្បីកំនត់អោយបាននូវចំនុចចាប់ផ្តើមមួយដ៏ត្រឹមត្រូវ ការសិក្សាពីគោលដៅ ឬទស្សនៈក្នុងការដោះស្រាយបញ្ហាគឺជាកិច្ចការដែលត្រូវតែធ្វើ ត្រូវតែធ្វើអោយស៊ីសង្វាក់គ្នារវាងគោលដៅនិងចំនុចចេញដំណើនេះ។
7-ក្រៅពីមធ្យោបាយជាមនុស្សក្នុងអនុវត្តផែនការ ត្រូវកំនត់មធ្យោបាយជាឧបករណ៍ លុយកាក់។ល។ដែលការអនុវត្តផែនការនោះត្រូវការ។
8-ការប្តេជ្ញាចិត្តយ៉ាងប្តូរផ្តាច់ក្នុងការអនុវត្តន៍ផែនការ។ចំនុចទី8នេះគឺសំដៅដល់សកម្មភាព”_ខឹម វាសនា

“មនុស្សដែលគ្មានការឈឺចាប់ ជាមនុស្សដែលខ្វះកំលាំងជំរុញអោយមានការតស៊ូ ឯមនុស្សខ្វះសេចក្តីខ្មាស់អៀន ជាមនុស្សប្រព្រិត្តអំពើថោកទាបបានយ៉ាងងាយ ”_ខឹម វាសនា

“ឆ្ងល់ធ្វើអោយចិត្តមានសភាពបើកចំហ ជាផ្លូវចូលចំនេះដឹង ”_ខឹម វាសនា

 “ក្នុងការអានក៏ដូចជាការស្តាប់អ្នកណាមួយនិយាយ ការអានឬការស្តាប់នោះយកជាប្រយោជន៍បានលុះត្រាតែ ក្រោយពីអានឬស្តាប់រួចហើយ ការយល់របស់អ្នកស្ថិតនៅក្នុងលក្ខណៈណាមួយក្នុងចំណោមលក្ខណៈបីយ៉ាងខាងក្រោមៈ
- ឬមួយអ្នកយល់ថាត្រូវ ហើយអ្នកមានហេតុផលដើម្បីគាំទ្រការវិនិច្ឆ័យថាត្រូវរបស់អ្នក
-ឬមួយអ្នកយល់ថាខុស ហើយអ្នកមានហេតុផលដើម្បីគាំទ្រការវិនិច្ឆ័យថាខុសរបស់អ្នក
-ឬមួយអ្នកបានដឹងខ្លួនថា អ្នកមិនទាន់អាចសន្និដ្ឋានបានថាខុសឬត្រូវទេ ចាំគិតឬចាំរកអ្នកជួយវិភាគលើចំនុចនោះសិន ”_ខឹម វាសនា

“មនុស្សខ្លះនិយាយថាកុំរៀបការជាមួយមនុស្សដែលយើងស្រលាញ់គេតែគេមិនស្រលាញ់យើង ចូររៀបការជាមួយមនុស្សដែល ទោះយើងមិនស្រលាញ់គេក៏ដោយអោយតែគេស្រលាញ់យើង។ ការពិតមួយណាក៏ជាទណ្ឌកម្មទាំងអស់គ្រាន់តែអារម្មណ៍ឈឺចាប់នោះវាផ្សេងគ្នាតែប៉ណ្ណោះ ”_ខឹម វាសនា

“ចំពោះស្ថានភាពមួយ គំនិតអវិជ្ជមានមិនល្អចំពោះការដោះស្រាយស្ថានភាពនោះទេ ឯគំនិតវិជ្ជមានក៏នៅតែមិនល្អសំរាប់ការដោះស្រាយស្ថានភាពនោះដែរ ប៉ុន្តែការទទួលយកការពិតទាំងវិជ្ជមាន ទាំងអវិជ្ជមានចំពោះស្ថានភាពនោះទៅវិញទេ ដែលជាមូលដ្ឋានប្រាកដប្រជាមិនអាចខ្វះបានក្នុងការផ្តើមដោះស្រាយដោះស្ថានភាពនោះអោយបានសំរេចពិតប្រាកដ ”_ខឹម វាសនា

“ក្នុងពិភពលោកនេះ គ្មានកន្លែងណាកក់ក្តៅជាងមាតុភូមិរបស់ខ្លួនទេ ”_ខឹម វាសនា

“  ពិភពលោកនេះងងឹតណាស់ ឯកកោរណាស់ ”_ខឹម វាសនា

“  រក្សាភាពស្ងប់ស្ងាត់ ដើម្បីកំចាត់ ភាពអនាធិបតេយ្យ”_ខឹម វាសនា